جھارکھنڈہیومینٹی فاؤنڈیشن، کے زیر اہتمام اکیڈمک ایکسیلنس ایوارڈ کا پروگرام جمشیدپور میں منعقد ہوا جس میں ملک کے معزز مہمانوں نے شرکت کی اور تعلیم کے میدان میں بہترین نمونہ پیش کرنے اور سماج میں تعلیمی بیداری لانے والے معزز مہمانوں کو اکیڈمک ایکسیلینس اور کمیونٹی لیڈرشپ ایوارڈ سے نوازا گیا۔ جس میں قابل ذکر جناب مولانا نسیم انور ندوی صاحب کو باوقار اکیڈمیک ایکسیلنس اینڈ کمیونٹی لیڈرشپ ایوارڈ سے نوازا گیا ۔ جناب نسیم انور ندوی صاحب کو یہ اعزاز تعلیم اور کمیونٹی سروس کے میدان میں ان کی شاندار خدمات کے اعتراف میں دیا گیا۔ جھارکھنڈ ہیومینٹی فاؤنڈیشن کے روح رواں و سربراہ جناب ریاض شریف کا یہ اقدام قابل شتائس ہے جنکی بدولت آج اس عظیم پروگرام کا انعقاد ہوا جھارکھنڈ ہیومینٹی فاؤنڈیشن جھارکھنڈ میں تعلیم،و ترقی اور سماجی بہبود کے لیے کام کرنے والی ایک سرشار تنظیم ہے۔ فاؤنڈیشن کی کوششیں تعلیم، و ترقی، اور کمیونٹی سروس کے ذریعے افراد اور کمیونٹیز کو بااختیار بنانے پر مرکوز رہتی ہیں۔
جناب نسیم انور ندوی صاحب نے تعلیم کی اہمیت پر زور دیتے ہوئے کہا کہ تعلیم ہی ایک واحد ذریعہ ہے جس کے ذریعے کامیابی حاصل کی جا سکتی ہے عزت کی زندگی بسر کی جا سکتی ہے، اپنی معیشت بہتر اور منظم کی جا سکتی ہے لہٰذا ہر فرد و زن پر واجب ہے کہ تعلیم و تربیت کو اپنا اولین مقصد بنا لیں تاکہ آپ کی زندگی اور آنے والی نسلوں کی زندگی خوشگوار ہو سکے ۔ انہوں نے اپنے خطاب میں کہا کہ آپ کی نگاہ منزل اور ہدف میں ہونی چاہیے آپکی محنت کبھی بھی ضائع نہیں ہوگی۔ انکی تعلیمی خدمات کو اعتراف اور باوقار ایوارڈ سے نوازے جانے پرخوشی کا اظہار کیا اور جھارکھنڈ ہیومینٹی فاؤنڈیشن کا دل سے شکریہ ادا کیا ۔ تقریب میں شامل اور مختلف تقابُلی امتحانات میں کامیاب ہونے والے طلبہ کو مبارکباد اور نیک دعائیں دی ۔ اس پروگرام کی صدارت جناب سید اشفاق کریم (ٹرسٹی ٹرسٹ کریم) نے کی اور مہمان خصوصی کی حیثیت سے جناب احتشام وقآر سپرٹنڈنٹ آف پولیس جامتاڑا نے پروگرام میں شرکت کی۔ جناب منظور انصاری صاحب چیف ایڈوائزرکیورسٹا ہاسپٹل رانچی نے بھی پروگرام میں شرکت کی اور جناب منظور صاحب کو بھی اعزاز و اکرام سے نوازا گیا ۔
۱۳ جولائی ۲۰۲۵