مرکز تحفیظ القرآن میں ایک ساتھ 6/بچوں نے حفظ قرآن مکمل کیا/ ذمہ داران سمیت سرپرستان میں خوشیوں کا ماحول
مدھوبنی بہار 07/01/2025
ضلع کے بھوارہ گاؤں میں قائم مرکز تحفیظ القرآن میں ایک ساتھ 6/ بچوں نے حفظ قرآن مکمل کیا
اس خبر سے علاقہ کے احباب میں خوشیوں کاماحول ہے جیسی خبر مل رہی ہے اسکی اطلاع دیتے ہوئے مرکز کے ناظم تعلیمات دانش عبداللہ معروف سلفی نے بتایا کہ حسب دستور گذشتہ 6/ جنوری کو مرکز کے 6/ بچوں نے حفظ قرآن مکمل کیا انہوں نے بتایا کہ المعروف ایجوکیشنل اینڈ ویلفیئر ٹرسٹ ایک مثالی معیاری تعلیمی اقامتی ادارہ ہے جس نے بہت ہی کممدت میں اپنی تعلیمی سرگرمیوں کا لوہا منوایا ہے عوام وخواص سے اس ادارہ کو داد تحسین حاصل ہے اس ٹرسٹ کی زیر نگرانی ایک حساس وفعال اور نہایت ہی اہم شعبہ مرکزتحفیظ القرآن بھی ہے اس شعبہ میں شروع ہی حفظ اور تکمیل حفظ کاسلسلہ چلاآرہاہے
ملی اطلاع کےمطابق امسال بھی 6/ بچوں نے ایک ساتھ حفظ قرآن مکمل کیا ہے
اس مناسبت سے ادارہ نے تکریم وعزت افزائی کے پیش نظر ایک تقریب منعقد کیا ہے جسمیں تمام حفاظ کرام کے سرپرستوں نے بھی شرکت کی اس تقریب میں مہمان خصوصی کی حیثیت سے شیخ عزیر کوثر تیمی مدنی حفظہ اللہ مدعو تھے اور مشفق و مربی مولانا امیرحمزہ ریاضی بھی شریک تھے پروگرام کی کارراوائی کا آغاز عزیزم حافظ قمر عالم نے تلاوت کلام پاک اور عزیزم حافظ حفیظ اللہ بن محمد نے نظم سےکیا موقع پر مولانا عبدالرشید صاحب نے قران کی عظمت وبرکت اور انسانی زندگی میں اس پر عمل کرنے کی فضیلت سےمتعلق پرمغز خطاب کیا اورحفظ قرآن کی بڑی تاکید فرمائی
جبکہ مہمان خصوصی شیخ عزیر کوثر تیمی مدنی نے تمام حفاظ کرام کی حوصلہ افزائی کی اور ادارہ کی تعلیمی خدمات کو سراہا نیز ناظم تعلیمات دانش عبداللہ معروف سلفی نے بچوں کی ستائش کے بعد ان کی ہمت افزائی فرمائی اور تمام شرکاء پروگرام کا والہانہ انداز میں شکریہ اداکیا اور یہ تکریمی پروگرام نہایت ہی خیر خوبی کے ساتھ اپنے اختتام کو پہنچا